港式 車仔麵 大比拼 沙田 大埔 新界篇

見到大家都提議我遠征新界區，今次特意挑選返我最愛車仔麵去做主題。呢條片嘅第二間舖頭係我自己嘅 No.1，嗰個咖喱魷魚真係 CLS！

至於第一間呢就要多謝 「足球戰報」吳紀恩 嘅介紹，我呢位舊同事嘅文筆可以話出神入化，每次睇佢嘅文章都有所得著，同我做節目講波亦都相當有默契，可惜近年喺球場上鮮有見到佢嘅影子。講返間餐廳，我俾 65-70分啦，啲麵底都幾有特色！不過 吳生，你又話牛腩同豬大腸冇得輸，結果你個日影俾我張相，你叫嘅係 豬紅，豬腩肉同雞翼尖 請問係咩玩法先

又回應一下，好多人介紹我去榮記，我當然有去過，但我唔鍾意佢個湯底好甜，所以不是我杯茶。至於你哋推介嘅米線同蛋撻，我都有去食

最後，我拍嘅試食片絕對冇收過一分一毫嘅酬勞，亦都冇預先話俾店舖知我會去試食！所以大家唔使擔心係廣告，純粹我個人分享，不喜勿插！

如果大家仲有咩好餐廳提議嘅，無任歡迎。喺嚟緊嘅日子，我會繼續努力，拍多啲片俾大家睇，你地每一次嘅留言，點擊，就係我嘅動力，有機會嘅可以叫多啲朋友 訂閱 同 讚好，感謝支持！